Laporan Basa Jawa Tentang Upacara Grebeg Besar

UPACARA GREBEG

BAB 1

CECALA / PENDAHULUAN

A.    Latar Belakang Masalah

Ing jaman kang modern iki, wong-wong pada larut marang urusan duniawi, akeh sing pada kelalen marang akherat. Kayata ibadah, tradisi lan jenise marang Gusti Allah SWT. Ing pirang-pirang daerah upacara keagamaan ora mesti dianakake meriah, nanging ing Kraton Surakarta lan Yogyakarta Upacara Keagamaan Grebeg Besar utawi Grebeg Maulud tetep dianakake lan mesthi meriah. Grebeg, nedhak saka “Bauwarna Adat Tata Cara Jawa”. Grebeg wis dadi pakulinan tumrape panggilut Islam ing tanah Jawa sarta papan liya ing Indonesia. Pangecake Grebeg beda-beda miturut pakulinan ing saben panggonan, nanging ancase padha.

B.     Identifikasi Masalah

Lumrahe ana dina wigati tumrape agama islam kang dipengeti srana grebeg, yaiku, sing sepisan, Upacara Grebeg Besar, dipengeti setaun ping telu, antarane ing tanggal 10 bulan besar, sing tepatan karo dina Grebeg Maulud, minangka dina pengetan wiyosan kanjeng Nabi Muhammad SAW kang dianakae setaun sepisan tanggal 12 Robiulawal, dina raya Idul Fitri(grebeg syawal / grebeg pasa) lan dina raya Idul Adha (grebeg besar), kabehan mau biasane dianakake ing Kraton Surakarta lan Yogyakarta. Pengetan Grebeg Maulud dilaksanakake bebarengan karo rampunge sekaten, kanthi tandha kraton negetokake gunungan banjur digawa (diarak) menyang Mesjid Agung.  Grebeg maulud kerep diarani Bakda Maulud, dene reropyane diarani Muludara.

Grebeg Pasa (grebeg syawal), uga dianakake setaun sepisan, ngepasi tanggal 1 Syawal sawise wong islam nindakake pasa Ramadhan sarta sholat Id. Grebeg Pasa kerep diarani Bakda Syawal, dene reropyane diarani Syawalan.

Grebeg Besar, uga diarani setaun sepisan, tanggal 10 Zulhijah (Besar), ngepasi karo Riyaya Qurban, sawise umat Islam bakda nindakake sholat Idul Adha. Prayaan kanthi nyembelah kewan kurban lan dipasrahake marang kang pantes nampa. Grebeg Besar uga disebut Bakda Besar, ing sawatara papan liya diarani Besaran.

Dene Grebeg Maulud Taun wawu adhedhasar pananggalan Jawa, ing Kasultanan Ngayogyakarta Hadiningrat sarta Pakualam.

C. Rumusan Masalah

1.      Kepriye Sejarahe Upacara Grebeg ?

2.      Kepriye Upacara Grebeg dianakake ?

3.      Apa keistimewaan Upacar Grebeg ?

4.      Apa daya tarik kang gawe rakyat Jogja pada betah ngikuti Upacara Grebeg ?

                                                                                  

BAB II

TEORI & PEMBAHASAN (SURASA / ISI)

A.    Sejarahe Upacara Grebeg

Miturut crita sing wis turun temurun, Sekaten ora bisa dipisahake karo siar Islam. Mligine dening para wali, luwih-luwih dening Sunan Kalijaga. Panjenengane, nalika ajak-ajak ngrasuk Agama Islam liwat kabudayaan. Tradhisi sing wis laras karo agama tetep dienggo. Dene kosokbaline, tradhisi kang cengkah diowahi mbaka sethithik.

      Kanthi sabar lan wicaksana, Sunan Kalijaga nyebarake Islam. Amarga sikap mau, sabanjure para warga banjur padha ngrasuk agama Islam kanhti lilalegawa, iklas. Ngrasuk Islam iki kanthi maca kalimat syahadat. Syahadat dhewe ana loro, sing basa Arabe syahadatain. Dadi saka tembung syahadatain mau, banjur diarani sekaten. Sekaten kanggo mahargya Wiyosan Dalem Nabi Muhammad SAW.

      Miturut sejarah, Nabi Muhammad SAW miyos ing dina Senen, tanggal 12 Robiulawal, miturut kalender Islam. Dene miturut kalendher Jawa, ngepasi dina Senen Pon 12 Mulud tahun Dal. Yen kalendher Masehi, ngepasi tanggal 20 April tahun 571. Wallahu a’lam.

      Sing cetha, Sekaten, mapag wiyosan Dalem Nabi Muhammad SAW, terus dipepetri lan diuri-uri. Perayaan Sekaten iki ditutup kanthi perayaan Grebeg. Yaiku metune gunungan saka kraton tumuju Mesjid Gedhe Kauman. Metune grebeg tansah diantu-antu lan entuk kawigten ewonan warga masyarakat. Kejaba ana sing mung ndelok, uga ana sing ngrayah gunungan, melu ngelap-berkah. Biasane, Grebeg Maulud digelar ngepasi karo pengetan miyose Nabi Muhammad SAW.  

      Gamelan kanggo mahargya Maulud Nabi mau diarani Kyai Guntur Madu mapan ing Pagongan Kidul lan Kyai Nagawilaga ing Pagongan Lor. Ana kene suwene seminggu, sadurunge digawa ngedhaton maneh neng kraton.

      Saliyane kuwi, tekan saiki, angger ana perayaan Sekaten, kejaba digelar Grebeg Mulud, uga isih ana sing padha dodolan endhog-abang, suruh-kinang, pecut lan dodolan sega gurih. Kabeh mau uga ngemot perlambang. Banjur perlambang, simbul apa ?

      Bebrayan Jawa pancen kebak perlambang. Endhog abang ing Sekaten miturut katerangane abdi dalem Kraton Ngayogyakarta, perlambang wiji dadi. Saliyane kuwi rupa abang nggambarake angkara murka, nesu. Sawise kulit endog mau dibukak ana klamate putih. Terus ana njero endhog, rupane sing putih, perlambang watak apik. Sarta keri dhewe ana warna kuning, simbul panyuwunan. Panyuwunan ing ngarsane Gusti. Mulih maneh ing slira pribadi mung saderma minangka dadi umate. Saliyane kuwi, miturut kerabat Kraton Kesultanan Ngayogyakarta, endhog abang iki uga ngelingake babagan kelairan. Abang, perlambang wanita dene putih kanggo priya.

Upacara adat grebeg Kraton Yogyakarta yaiku upacara adat sing diadakna sebage kewajiban Sultan kanggo nyebarna lan nglindungi Agama Islam. Upacara sing luwih dikenal karo aran grebeg iki pertama kali diadakna ning Sri Sultan Hamengkubuwono I (1755-1792)

      Aran grebeg iki saka peristiwa miyos utawi metune Sultan sekang njero istana bareng keluarga lan kerabate kanggo ngewei gunungan nggo rakyate. Peristiwa metune Sultan lan keluargane kuwi diibaratna kaya suara tiupane angin sing gedhe, dadi nimbulna suara grebeg…grebeg…grebeg…

     

B.     Rangkean Kegiatan Upacara Grebeg

Upacara kawiwitan kanthi metune bregada prajurit Wirabraja, Ketanggung, Bugis, Daeng, Patangpuluh, Prawiratamam, Nyutro, Mantrijero lan Jagakariya. Kabeh bregada prajurit iku banjur padha pacak baris ana alun-alun lor. Ora pantara suwe, banjur katungka rawuhe sang Manggalayuda kang ginarebeg dening para abdi dalem. Bubar kuwi banjur kasusul para abdi dalem sipat bupati lan pametakan. Kraton Ngayogyakarta Hadiningrat ngetokake gunungan cacah lima kang kerep diarani Pareden Hajat Dalem. Gunungan 4 kang karan Gunungan Kakung, Estri, Pawuhan lan Gepak, dig awe rebutan ing latare Mesjid Agung Kauman.

“Gunungan Wadon” mujudake paringan Kraton Yogyakarta Sri Sultan Hamengkubuwono , minangka wujuding rasa sukur marang berkah saka Allah Kang Maha Kuasa, mbarengi Sekaten Maulud Nabi Muhammad SAW.

“Gunungan Wadon” kasebut digawa saka Kraton Yogyakarta tumuju Puro Pakualam kanthi arak-arakan kang dipandhegani prajurit nunggang jaran cacah telu minangka ‘Manggala Yudha’, ditut mburi “Bregada Gajah” cacah papat banjur ditutake “Bregada Lombok Abang” serta rombongan kang mikul tandhu isine “Gunungan Wadon”.

 Kang metu saka bangsal Kemandungan lor, liwat Siti Hinggil, Pagelaran lan Alun-alun lor. Ana ing alun-alun lor, iring-iringan gunungan kinurmatan kanthi swara “drei” (salvo) saka prajurit Jagakariya. Sabanjure gunungan kaboyong tumuju ing Masjid Gedhe kang dumunung ana ing kampong Kauman, salor kulone kraton Ngayogyakarta.

Sawise gunungan cacah papat iku tekan plataran Masjid Gedhe banjur didongani luwih dhisik dening Kyai Pengulu Kraton. Nanging mbok menawa saka kaderenge masyarakat anggone kepengin darbeni isen-isene gunungan iku, durung nganti didongani wis kedadak dijarah dening warga masyarakat. Sadurunge dadi rebutan, ing Pura Pakualaman uga dianakake srah-srahan saka para bupati utusan Kraton Ngayogyakarto Hadiningrat marang Wakil Kadipaten Pakualaman.

Sawetara krabat Pakualaman mundhut perangan gunungan, saunting kacang lanjaran, endhog asin, lombok abang lan entho-entho Gunungan kang isine wulu wetu bhumi lan panganan kayata jadah, wajik lan sapitururte iku ora nganti jam-jaman wis ludhes dirayah dening pawongan kang padha teka mrono.

Miturut kapitayan Jawa, sok sapa wae kang kasil nggawa bali barang asil wulu wetune bhumi uripe bakal antuk berkah. Mula ora jeneng aeng maneh, menawa sing padha ngrayah gunungan ora mung winates pawongan saka kutha Ngayogyakarta, nanging uga pawongan saka njaban kutha, kayata Muntilan, Magelang, Purwareja lan sapiturute.  Pancen tumrap kosmologi Jawa, Kraton iku dipercaya minangka papan sing suci, wingit, lan sacral amarga papan kono minangka kandhange wahyu. Mula wong sing bisa madeg dadi ratu iku genah kudu wong sing sembarangan nanging mustikaning janma, amarga kewahyon (kapanjalman wahyuning kraton lan kanarendran) Mula tekan kapan wae, sing jenenge kraton lan ratu mesthi bakal dadi pangayomaning kawula. Amarga ratu iku dipercaya minangka kekasihe Gusti ingkang Maha Kuwasa tan prabeda karo para nabi.

C.    Keistimewaan Upacara Grebeg

Upacara grebeg iki dimulai karo parade prajurit kraton. Ing njero Kraton Ngayogyakarta, ana 10 kelompok prajurit yakni : Wirobrojo, Daheng, Patang puluh, Jagakarya, Prawirotama, Ketanggung, Mntrijero, Nyutra, Bugis dan Surakarsa. Siji per siji, 8 kelompok prajurit metu saka Siti Hinggil nglewati pagelaran lan mandeg ing alun-alun utara karo formasi gede khususe. Masing-masing kelompok nganggo klambi kebesaran prajurit, nggawa senjata khusus, panji-panji, lan main alat musik. Sawise 8 kelompok prajurit metu, barisan dilanjutna karo metune Manggala Yudha (Panglima Kraton). Ning akhir parade, gunungan digawa metu sekang Siti Hinggil karo diiringi 2 kelompok prajurit lewihane.

Gunungan yaiku tumpukan panganan kang ngrupani gunungan, sing dadi cirri khas ing tiap upacara grebeg. Gunungan tersusun sekang hasil bumi, lan merupakan symbol sekang kemakmuran Kraton Yogyakarta, sing mengkone dibagikna karo rakyate. Ing perayaan grebeg, ana 6 jenis gunungan, masing-masing duwe bentuk sing beda lan tersusun sekang jenis panganan sing beda. Gunungn Gepak yaiku gunungan sing tersusun sekang 40 buah kranjang sing berisi angka ragam roti-roti cilik karo 5 macem warna, yaiku abang, biru, kuning, ijo, lan ireng. Gunungan Kutug / bromo tersusun sekang macem-macem roti. Gunungan Pawuhan mirip karo gunungan wadon, gunungan-gunungan iki digawa maring alun-alun utara. Mulailah, Prajurit Kraton sing wis baris ning kono ngewei salvo (tembakan serentak jumlahan peluru) kanggo tanda pengurmatan. Sawise tanda pengurmatan diwenehna, sing diiringi kabeh prajurit, gunungan digawa maring Masjid Gedhe Kauman kanggo didongakna ning penghulu mesjid. Sawise didongakna, gunungan diturunna supaya bisa dijukut dening pengunjung ing sekitar Mesjid Gedhe Kauman. Kabeh pada percaya bahwa panganan kuwi ndatangna berkah lan kesejahteraan.

D.    Daya Tarik

Ing saben perayaan Upacara Grebeg Besar, kabeh Rakyat Yogyakarta mesthi padha ngluangna wektu kanggo nonton, ngikuti lan rebutan gunungan ing perayaan kasebut. Mula wong-wong padha ora peduli desel-deselan karo warga liyane, apa maning desel-deselan kasebut bisa ngakibatna mati. Kabeh warga pada percaya amarga gunungan kang isine panganan kuwi bisa ndatangna berkah lan kesejahteraan kanggo sapa bae sing padha mangan. Upacara kasebut uga bisa dadi kanggo ajang silaturrahmi karo keluarga besar.

III

PENUTUP

A.    Kesimpulan

Sekang pembahasan makalah kasebut, pelajaran utawi kesimpulan kang bisa kita jupuk yaiku, kanggo bekal ing akherat ngemben, kita bisa ngrayakna Upacara keagamaan, ora mung neng Yogyakarta lan Surakarta, nanging uga ning kabeh pelosok negeri. Upacara keagamaan dirayakna uga udu mung ning Agama Islam, nanging ning Agama Kristen, Hindu, Budha lan liya-liyane. Upacara grebeg besar kang dirayakna ing Yogyakarta, bisa digunaake warga kanggo silaturrahmi kanggo sanak sodara.

B.     Saran

Saran penulis nyusun makalah iki yaiku, supaya penulis uga kabehan pada lewih ndekatna diri marang Sang Pangeran Agung Allah SWT. Ora mung ngurusi urusan ning tempat urip nanging uga tempat kanggo wong sing wus mati. Makalah kasebut njukut tema Upacara Keagamaan supaya padha saling ngurmati kanggo beda Agama lan supaya tali silaturrahmi luwih seret maning.